U slap deilang ka la’ær wa joor da wan ko ha West Khasi Hills District hei miet ka 21 tarik uni u bnai heiwa da chah tympat kiwa boon ki dieñ deilang ki chrot bordiñ wa ki yung ki sem ki bru hapoh ka District.
Hanla jia ini waroh ym em kiwa mynsoo na ini wa jia tangwa da ktah ko yei pynpoi bordiñ i wym pu ye wow pynbiang hadooh wa pynmih ya ka khubor.
Neiliang ka Forest Department dapoi ko wow kyrriah ya ki dieñ wa pat yow pynlait yei lai i wan ki kari.
Hadooh katwon iwa da chah ktah dang chim yukheiñ kamjooh katwon tylli ki yung ki sem kiwa chah ktah ha kylleiñ ka District.
Neiliang ki bor District da pait bniah ki yeini yow yarap leh ya kiwa chah ktah wei wow pynpoi yeiwa emkaam ki paidbah.
Discussion about this post