Ha iwi i jia wa sñiaw chyrkhei, u khynnah wa dang le snem chiteiñ da chah pam u da ka wait na khlieh pyn ha u ma u iwa da jia ha chnong Umdang iwa dang haap hapoh ka Shallang Police Station, WKH ha ka 22 tarik uni bnai.
Katkam wa pyntip ki pulit, ini da jia i heipor 1:45 i sngi wei uni u bru wa leh yeini i kaam toh uwa tip kam u Imphal Mawsor (50 snem), wei uni u khynnah dang liwan u cha yung hadien wa wan skur u wei i thaw wa jia toh manda jan poi yung u.
Ini wa chah dat uni u kynnah toh iwa joor bha hadooh wa yap u pyn ha ini i thaw wa jia.
Neiliang ki pulit ka Shallang Police Station, deilang u SDPO ka Mawshynrut da lai ki wut-wut cha ini i thaw wa jia yow leh yeiwa emkaam wei yow pynlang leh ya ki sabut da ki Forensic Crime Scene Unit.
Ki pulit da pyntikna ki wa u Imphal Mawsor toh u ma uni u khynnah wei da kem leh ya oo.
Yei metyap u khynnah da lai rah cha Nongstoiñ Civil Hospital yow leh ya ka Post-Mortem.
Discussion about this post