U heh ka Congress, u Rahul Gandhi ynnin ka sngi da booh u yei Video wa yaklam u wa kiwa lai puræ ka Gargi College yong ka Delhi University.
Ha ini i yachem, u Rahul da kylli u na ki yeiwa maa dooh wa leh ki (Riskiest thing you’ve done).
Heitæ kawi da jubab ko wa iwa maa dooh wa da leh ko toh wow psiah cha ka Congress (Joining Congress), wei ini i jubab da wanrah i yei rkhai hapyrdi ki kynthai kamjooh u Rahul Gandhi.
Ini i yaklam u Rahul wa kiwa lai puræ ka Gargi College toh wow parom heiyatoh wa i thombor ka Akhil Bharatiya Vidyarthi Parishad (ABVP) ha ka College ha ka 17 tarik u April.
Kiwi ki mat wa da yaklam toh i thmu wanrah ya ka aiñ wow e bhah ya ki kynthai namo ka Women’s Reservation Bill, i kynaad ha Manipur wa kiwi.
Discussion about this post