Ka NPP ym em u tieñsar ko yeiwa ku i boon MLA ka BJP ha Meghalaya Assembly, wei ya ini da ong u Minister ka jylla, u Wailadmiki Shylla deiwa ong wa ka NPP dang rap khlan chooh ko.
Da ong u wa ka yalang wa man ynnin i miet toh deiwa em kiwa pyrkhat wa em i yachem wa jhan tangwa kani toh kawa jooh pynman man ka le bnai heiwa ki MLA jooh yachem ki wow klam ya ki kaam synchaar.
Da ong u leh wa waroh ki 33 ngut ki MLA ka NPP da wan ki iwa pynyoo leh wym em i piah i pra hapoh ka Party.
Heiyatoh wa i kylla ka saiñ pyrthai ha jylla, da ong u wa ka Politics kylla ko man-i-por wei ym ye ware u ong hajrong ini.
Da ong u leh wa i lai ki MLA ka UDP cha ka BJP man ko kamwa mih donhi na kawi ka kamra cha kawi won hapoh ka jooh ka yung wei ym em ktah ko yei krehkaam ka sorkar.
Discussion about this post