Hadien wa da khuslai yei chah ktah ka wah Myntdu nei ktieh wei khyndaw wa mih nei chna ya u sarok Jowai Bypass, kattæ won da chem yeiwa em kiwa noh ya ki tadong chim snaam (Blood Sample).
Yeini da chem da kiwa khwe ha Dam Ser wa em ha Treiongriang ha ka 30 tarik u April 2026.
Kini ki tiar toh kiwa da song hapoh Plastic hapoh churia heiwa da yoo dur wa da em wa noh ki na u sarok wa lai naneiñ ka wah.
Hawa pyntip yeini, neiliang u President ka Khooid Ya Ka Wah Myntdu, u Khroo Lamsalanki Pariat da ong u wa da lai booh u leh ya ka ujor ha u Member Secretary ka Meghalaya State Pollution Control Board.
Discussion about this post