Ka Seiñ Raij Chnong Tuber Kmaichnong da khut da wer ko ya phi cha ka Chaad Sukra yong uni u snem 2026 kawa daw pynman ha ka 3 tarik u May 2026 yow ya chaad kmen chaad sñiawbha kamwa pynjooh ki waheh man-u-snem hachwa u hiar rep hiar riang cha ki hali ki lyngkha.
Ha uni u snem da pynman hajrong ka phang wa ong “Tok chi tok u pynbha ya ki wym toh, teiñ la pateiñ u ksoh ya kiwa da yoh” iwa mut u pyntoh ya ki wym toh i yahbakla ka pyrthai ya ka dustur riti, yeiwa da kylla ka mariang ka bei rymaw i wym toh de kam nachwa, teiñ la pateiñ u ksoh i yeiwa da yoh nadooh ka niam, ka rukom, ka riti dustur, i maya yow pynneh ya ka bei rymaw ka bei rymchi i soodong sookun yong i.
Heijooh i por ka Seiñ Raij Chnong da pyntip ko wym chah ko ya kiwa wan chongdai ha kini ki sngi kam kiwa dai Ice Cream, ki baam wa boonjait cha ki thaw pynman Chaad Sukra ha Biar Aitnar Tuber Kmaichnong neidaw wa ka Seiñ Raij Chnong dadep dai chwa ko ya ka yaaw.
Kamtæ da kyrpaad ya phi ki lok ki jor u ya burom kylliang iwi ya iwi.
Discussion about this post