Ki kattu katni ngut kiwa sikai ka Meghalaya Vocational Teacher’s Union, ynne ka sngi Thohdieñ da rah ki da ki Placard da i thmu wow toor cha ka thaw pynman ya ka yalang kiwa sikai SSA wa Fourth Teacher ha Madan Student Jaïaw, heiwa da emlang u Montri Rangbah, u Conrad K Sangma, u Symbood Montri Rangbah wa u Montri ka chnat puræ puthi, tangwa kini ki Vocational Teacher da chah khanglaad noh ki ha ki bor pulit hachwa wow poi cha kani ka yalang.
Kini kiwa sikai kiwa da lai pynman yakhih da pynsñiaw ki yei pyrchah yei thmu ka sorkar wow su tulop da kawa thymme ya waroh kiwa sikai tangwa ya ki kam ki Vocational Teacher won khlem da kynthuplang.
Uwi na kiwa sikai da ong u wa ini i rah Placard toh yow pynyoo cha ka sorkar wa ki leh emkaam ki wow chah kynthuplang ha ka ‘New Pay Structure’ wa u Montri Rangbah u pynbna u ha Madan Student neibynta kiwi leh kiwa sikai.
Da pynsñiaw leh wa i su ya ki kattæ ym yahaap i wa i kreh wa leh ki neibhah yaphær kam cha bneiñ cha khyndaw.
Discussion about this post