HSSLC Result: Yoh lut ki skur na Shillong ya ki Top10 Position | Mih pyrtuid ka North Liberty ar sien

Ha ka Result ka Higher Secondary School Leaving Certificate (HSSLC), 2026 wa da pynbna ynne da ka MBOSE neibynta waroh le tylli ki Stream (Arts, Science, Commerce), ki skur kiwa na Shillong da yoh ki awjan waroh ki Top 10 Position.

Ha ka Science ya ka 1^st Position da yoh da ka Don Bosco College, Tura katwa 10 tylli kiwi toh ki skur na Shillong wei da em kawi na North Liberty Higher Secondary School, Jowai kawa yoh 8^th Position wa sa kawi ha 10^th Position wa da yoh da ka Don Bosco College, Tura biang.

Related posts

Hanla tam ka BJP ha ki 191 tylli ki Constituency, ham pu ngait ong ka Mamata Banerjee

May 4, 2026

Tam da ka Party wa dang hapoh ar snem wa sdang da u Actor ha Tamil Nadu

May 4, 2026

Ha ka Arts Stream leh i jooh heiwa da em 8 tylli ki skur na Shillong wa mih pyrtuid ha ka Top 10 wei kiwi ki skur toh ka Little Star Higher Secondary School, Baridua ha ka 5^th Position, ka St. Paul’s Higher Secondary School, Nongpoh ha ka 9^th Position neitæ ka North Liberty Secondary School, Jowai ha ka 10^th Position.

Ha ka Commerce Stream waroh ki skur wa mih pyrtuid toh ki skur kiwa na Shillong deiwa yoh nyngkong ka St. Edmund’s Higher Secondary School, Shillong katwa kiwi toh kiwa yoh da ka St. Anthony’s Higher Secondary School, St. Mary’s Higher Secondary School wa kiwi de.