Ka Jaiñtia Youth Federation (JYF) da thoh ko cha u Member Secretary ka Meghalaya State Pollution Control Board (MSPCB) yow pyrchah ya ka Public Hearing wa da thmu wow pynman da ka M/s Shree Cement Ltd. ha ka 22 tarik yow tih moochuni ha i thaw wa heh 217.394 Hectare deiwa boohlang leh ya ka Primary wa Secondary Crusher ha Lum Syrman kawa em ha Elaka Nongkhlieh, East Jaiñtia Hills District.
Ki daw wa pyrchah toh wa daw ktah ko ya ki khloo ki kjam, ki thaw chong thaw sah ki sim ki mrad wei daw dooh leh ya iwa boon wa em ha ka bei rymaw hadooh wym ye de wow pynkylla.
Najrong kini daw pynjakhlia leh ya ka la’ær iwa daw ktah yei chait i khiah kiwa chong chnong.
Kiwa de kiwa daw chah ktah toh ki um ki wah wa ki thaw rep kiwa chong chnong iwa daw pyndooh ja ya kiwa da chaniah na kini ki kaam nadooh nachwa.
Da ong leh wa i thmu wow pynman ya kani ka Public Hearing toh khlem da tip bniah kiwa chong chnong iwa man leh iwa tyngkheiñ yei hok ki paidbah.
Kamtæ da dawa wow pyndam chisiendon ya kani ka Public Hearing ka Shree Cement.
Discussion about this post