Ka Ratna Debnath, kawa man ka kyrtong ka Bharatiya Janata Party (BJP) kamjooh kawa man ka bei yong ka Doctor wa chah slaitbor wei chah tynyap ha RG Kar Medical College and Hospital, Kolkata, ha kani ka kynti da yakhun ko ya ka Election na Panihati Assembly Constituency ha West Bengal.
Katkam ka yukheiñ na ka Election Commission, ka Ratna da yoh ko 21,313 Vote deiwa tam 8067 ya u Tirthankar Ghosh ka TMC uwa yoh 12,246 Vote.
Kam wow kdaw heini, ka Ratna da psiah ko cha ka Politics wow pyrchah ya ka sorkar ka Mamata Banerjee heiyatoh wa ki kaam pyrchah ya ki kynthai ha ka jylla.
Hadien i jia ha RG Kar Medical College and Hospital da mih i yakhih ha waroh ka ri wow pynkhor ya ka aiñ kamjooh wow yada ya ki kynthai ha ki thaw sumaar, thaw puræ kamjooh ha ki thaw paidbah.
Discussion about this post