Ka Bharatiya Janata Party (BJP) kattu da pynkhreh ko wow tyngkheiñ yei synchaar wa 15 snem ka Mamata Banerjee ha West Bengal, katkam wa man i ñiaw Vote ha ka Assembly Election.
Katkam ka yukheiñ ka Election Commission of India (ECI) hadooh 4:03 PM, ka BJP da tam ko ha ki 198 Constituency katwa ka All India Trinamool Congress (TMC) ha ki 94 Constituency.
Ha kani ka Election ka Indian National Congress da man ko kawa sñiawsih bha, wei iwa rap pynsñiawsih ya ka toh u Madhap Rai uwa yoh duna Vote bar u None of the Above (NOTA) na Darjeeling Constituency.
U Madhap da yoh u du 1635 Vote, katwa ka NOTA won da yoh ko 1940 Vote iwa pynyoo wa kyntait ki paidbah ya ka Congress.
Ka NOTA da tam ko leh ya u Milan Thokar u kyrtong ka Rastriya Aam Jan Seva Party uwa yoh du 1276 Vote.
Ha Darjeeling u kyrtong ka BJP dang tam u deiwa yoh 59,305 Vote, bood won sa u Bijoy Kumar Rai na ka Bharatiya Gorkha Prajatantrik Morcha uwa yoh 53,259 Vote.
Discussion about this post