Jubab u Conrad da ki kaam hadien wa yoh ya ka VDA

Ka Joint Action Committee of Meghalaya Muster Roll Workers Union da e khublei ko ya u Chief Minister ka jylla, u Conrad K Sangma wa da pynku u ya ka Variable Dearness Allowance (VDA) kiwa kreh Muster Roll wa kiwa kreh nongsngi deiwa ong wa u CM da jubab u da ki kaam yei dawa wa da slem ka seiñ. 

U Adviser ka JAC, u Khroo L Pariat, da ong u wa i pynbna ha ka May Day da pynbait i yei dawa ka Union wa da boon snem.

Kam wow kdaw heini, ha ka 1 tarik u May kawa man ka May Day, u Conrad da pynbna u ya ka VDA wa da pynku ya ka nong kiwa kreh Muster Roll wa kiwa kreh nongsngi.

U Lamasalanki da ong u wa da pdiang ki ya ka Notification ka chnat Labour wei da e khublei ki ya u Chief Minister wa da pdiang u yei dawa yong ki iwa da slem bha. 

Related posts

Chem yei metyap uwi u bru ha u sarok Umtyrnga

September 9, 2026

U sdang i lehkmen Silver Jubilee ka Seiñ Kur Sutnga 14- Khrong Jowai Circle dei yaphet Marathon

September 9, 2026

Ka JAC da pynkhreh ko wow pynman yakhih ha ka 11 tarik u May ha waroh ka jylla tangwa da pyndam noh ya ka hadien ini i pynbna u Conrad.

Heiyatoh wa ka EPF, u CM da pdiang u yeini ha ka yalang wa man ha ka 9 tarik u April neibahh wa ka sorkar pyrdi da ong ko wa man kawa emkaam ya waroh kiwa kreh nongsngi ha ki chnat sorkar, Company, Contractor kiwa e kreh ya palat 20 ngut toh u e ki ya ka EPF.

U Labour Commissioner da thoh u leh cha ki chnat sorkar wow pynkrehkaam ya ka EPF ka wow yarap ya kiwa kreh nongsngi.