Jubab u Conrad da ki kaam hadien wa yoh ya ka VDA

Ka Joint Action Committee of Meghalaya Muster Roll Workers Union da e khublei ko ya u Chief Minister ka jylla, u Conrad K Sangma wa da pynku u ya ka Variable Dearness Allowance (VDA) kiwa kreh Muster Roll wa kiwa kreh nongsngi deiwa ong wa u CM da jubab u da ki kaam yei dawa wa da slem ka seiñ. 

U Adviser ka JAC, u Khroo L Pariat, da ong u wa i pynbna ha ka May Day da pynbait i yei dawa ka Union wa da boon snem.

Kam wow kdaw heini, ha ka 1 tarik u May kawa man ka May Day, u Conrad da pynbna u ya ka VDA wa da pynku ya ka nong kiwa kreh Muster Roll wa kiwa kreh nongsngi.

U Lamasalanki da ong u wa da pdiang ki ya ka Notification ka chnat Labour wei da e khublei ki ya u Chief Minister wa da pdiang u yei dawa yong ki iwa da slem bha. 

Related posts

Da e kti biang ya ka khet ka Hima Mylliem cha u Ainam Manik Syiem

August 18, 2026

Wan mih ki khynroo khyllood cha ka Recruitment Drive ha Khliehriat | Hadooh Rs. 2.75 lak chi bnai ka ka tulop ya kiwa yoh kreh cha baar ri

August 18, 2026

Ka JAC da pynkhreh ko wow pynman yakhih ha ka 11 tarik u May ha waroh ka jylla tangwa da pyndam noh ya ka hadien ini i pynbna u Conrad.

Heiyatoh wa ka EPF, u CM da pdiang u yeini ha ka yalang wa man ha ka 9 tarik u April neibahh wa ka sorkar pyrdi da ong ko wa man kawa emkaam ya waroh kiwa kreh nongsngi ha ki chnat sorkar, Company, Contractor kiwa e kreh ya palat 20 ngut toh u e ki ya ka EPF.

U Labour Commissioner da thoh u leh cha ki chnat sorkar wow pynkrehkaam ya ka EPF ka wow yarap ya kiwa kreh nongsngi.