Sñiawkhia u Jamshaphrang Pohtam yei chah kynthah u hadien wa klam u chaphang ki um ki wah ka Jaiñtia Hills

U Jamshaphrang Pohtam, MDC ka JHADC na ka War Central Constituency hawa e u yei klam yahkhmat ha ka yalang pynche paidbah ka VPP wa pynman ha ka 5 tarik uni u bnai May ha Iawmusiang, Jowai, ong u ka VPP kamwa da ong ko nawa sdang kat wym pu e u paidbah yei bor wow synchaar da ka hi, u man chwa ko ka liang pyrchah wa khlan neibynta u yasaaid, u paitsiar wei booddien ya kiyi kiyi wa em ha i bynta ka synchaar khadar.

Wei i daw wa lai pynche kylleiñ ki chong ki thaw toh wa em ko i sñiawkhia ya ki paidbah wa khian wa kiwa dooh wa duk.

Ong u leh ka VPP ym em mih ko du kat u yakhun jop Election, heiwa lym pu yoo biang ki paidbah wow e ksoh yei synchaar, ka leh burom hi ko yeitæ, neibhah wa ka VPP man ko leh katæ ka yakhih yong i sur ki paidbah wow pteiñ u man kam ka yingkieñ ya ka sur ki paidbah.

Wei ym em daw pyrchah ka VPP ya iyi iyi, tangwa burom ko ya ki para bru waroh, neibhah wa sñiawthooh ko wa man salonsar i waroh.

Tangwa lada ki mat ki phang man kiwa kynriang yeitæ ym ye ko u pdiang, wei i mih ka VPP chakhmat toh wow kular wanrah yei chakri wa hok ya ki paidbah.

“Wym em pyrchah i yei roi i paar, kwah i wa i roi i paar u poi smat ko cha ki paidbah, tangwa sñiawsih u tip kat mynnu u poi i roi i paar cha ki paidbah, wei neiyi i daw hap yang slem ki paidbah da ki snem wa ki phaw snem,” da ong u Jamshaphrang.

Booh yukylli u weileh wa ha i pyrchang wanrah Development ka sorkar, ym em u yoo wow em ka jooh ka luti u syllok ko wa ki Company heh spah neibynta u pynlut (Invest) heiyatoh wa i chait i khiah, i puræ puthi, i rep i riang wot hawa ki paidbah chem chitom ki heiyatoh wa ini.

Dawa u wow smat pynpoi i roi i paar cha ki thaw palatsor khlem da jied hawa wanrah yei roi i paar ha kawon kawon ka thaw.

Ha kani ka jooh ka sngi da pynche haroh u hajrong i em wa kynthah yeiwa klam u ini wa dep ha ka yalang ka VPP ha Motphran, Shillong hajrong i klam u heiyatoh wa ki um ki wah ha Riloom Jaiñtia.

Related posts

Ym bien ka VPP u wan cha ka yalang wow ya phyllu hajrong ka Reservation Policy

May 6, 2026

Yap le ngut hapoh ka jhaad kiwa yoh ya u Hantavirus

May 6, 2026

“Hawa ong O wa ka rymaw wa ki um ki wah ha Riloom Jaiñtia em ki hei maa nei chah pynjæd pynpra, kammon paidbah klam O yei wym sakhiat? Wei ym em mo man ko kamtæ? Ki um ki wah em ki hei chah pynsih hadooh wa booh ko i maa ya ki dohum wa im?”, da ong u Jamshaphrang.

“Nga sñiawkhia O yei kynthah wa da mih nei ktien uwi u bru waheh wa em burom, wei uwa em i kitkhlieh ya ka jooh ka phang itæ ya ka bei rymaw,” da ong u Jamshaphrang.