Le ngut ki bru da yap ki na ki phra ngut kiwa yoh ya u Hantavirus kiwa em ha ka Cruise Ship kawa tip kam ka MV Hondius wei yeini da pyntikna da ka World Health Organization (WHO).
Da pyntip leh wa soo ngut kiwa yoh ya uni u khñiang da yoh kjut ki heipor wa dang lai luti da kani ka jhaad kawa mih na Argentina wei dapoi ko ha rood duriaw ka West Africa.
Uni u Virus toh uwa yaar bha u chem wei da khuslai leh wa ye u man da u jait Andes Strain uwa man uwa ye u poor na uwi u bru cha uwi tangwa ymtoh uwa poor suk wei da chem leh wa em u ha South America.
Ka WHO da pyntip ko leh wa dang yaleh ko wow booddien wa kiyi de yachem kini kiwa yoh ya uni u khñiang wei ini da hap wow leh ha kiwa boon ki ri nadooh ki lieñsuiñ wa wan ki yow lait u poor uni u khñiang.
Na ki ar ngut ki bru kiwa da pynhiar na kani ka jhaad, uwi u toh u British wei kawi ka kynthai won toh kawa na Netherland tangwa kani da khlaad noh ko ha South Africa hadien wa Test ka wei uni uwi u bru leh toh uwa da pyntikna uwa yoh ya uni khñiang.
Ki bru chemphang da pyntip ki wa uni u khñiang toh uwa poor lyngba ki khne, wei em u leh ha i jung, i ait wei yimbar ki khne.
Ya kani ka jhaad kattæ da pynsangeh ka ha rood ka Cape Verde ha West Africa wei ki le ngut kiwa chah ktah dang em hi ki hapoh kani ka jhaad.
Discussion about this post