Ki warep wa kiwa chong chnong ka chnong Shnongrim deilang ki tre thaw ha Lum Syrman kawa haap hapoh ka Elaka Nongkhlieh, East Jaiñtia Hills District da pynsñiaw paidbah ki yei pyrchah joor wei da dawa leh wow pynsangeh noh chisiendon ya ka Public Hearing kawa da thmu wow pynman da ka M/s Shree Cement Limited yow paan bor ko u tih moochuni.
Neiliang ki tre thaw da ong ki wa ka Shree Cement ym pu em yoh ko ya ka No Objection Certificate (NOC) kawa emkaam neibynta ka Prospecting License wa Mining Lease yow tih moochuni ha Lum Syrman wei yeini dadep leh wow pyntikna da ka Forest Department ka Jaiñtia Hills Autonomous District Council (JHADC) ha ka chithi wa da jubab da u Chief Forest Officer uwa da ong wa kani ka Shree Cement ym pu em yoh NOC ko.
Kamtæ kiwa chong chnong da ong ki wa khlem kani ka NOC u pynman ya ka Public Hearing man ko pyrchah ya ka aiñ.
Chooh chooh da ong wa kini ki thaw wa da thmu wow tih moochuni man ki ki thaw ki warep ka Shnongrim, kamtæ ym ye wow leh iwon iwon khlem da mynjur ki tre thaw.
Da kyrpaad leh ya ka Meghalaya State Pollution Control Board (MSPCB) wa waroh ki bor wa toh u pait yeini wow pynsangeh yei pynman ya ka Public Hearing hadooh wa kani ka Company u pyndep lut ko ya waroh iwa emkaam katkam ka aiñ.
Najrong ini da pyntip leh wa kattæ da em i sdang wow tih ha ki thaw ki warep ha Lum Syrman khlem da yoh NOC næ yoh bor na kiwon kiwon.
Discussion about this post