Ki le tylli ki seiñ wa kynthup ya ka Jaiñtia National Council (JNC), ka Jaiñtia Students Union (JSU) wa ka Synjuk Waheh Chnong Ri Jaiñtia da yachem ki ha ka yalang wa da pynman ha yung krehkaam ka JNC wa em ha Khliehriat ynnin ka sngi.
Ya kani ka yalang da pynman hajrong wow dawa tipmit noh ya ka ktien Pnar hapoh ka Meghalaya State Language Act, kamjooh u man ko ka ktien hapoh ka yung krehkaam ka JHADC weiwa ka JHADC da toh u sdang noh ko u thoh u tar dei ktien Pnar ha ki chithi yong ka wei da toh leh u pynkylla chei ktien Pnar ya ki aiñ yong ka kiwa dadep chna ko.
Da kawi ka sur ha kani ka yachemlang da rai ko wa u khut sa kawi ka yalang paidbah kawa heh ha chnong Jowai ha ka 30-05-26 ha Central Cafe heipor 11:00 waje i step.
Da rai leh wa u khut ya ka “Seiñ I Ktien Wei Thoh Jaiñtia” ki waheh wasian, kiwa thoh kot, ki muktiar wa kiwi kiwi de cha kani ka yalang.
Ha kani ka 30 tarik u chim leh ya ka rai wa ye u leh neibynta u Pyn-im yei ktien Pnar ka yong i lyngba i thoh i taar.
Discussion about this post