Chah e FIR ka JNC ha kiwa pynlai ya ka Toll Plaza

Ka Jaiñtia National Council (JNC) Western Zone da chah e FIR ko ha kiwa pynlai ya ka Toll Plaza wa em ha Ialong deiwa ong wa pynthut ki yei lai i wan ki kari deiwa pynman yakhih wow pynlait ya ki kari ML04 wa ML11 heiwa ynnin ka sngi da phah wow wan mih ki cha ka Phramer Traffic Cell.

Neiliang u OC da pyntip u cha ka seiñ wa u Deputy Commissioner ka West Jaiñtia Hills dadep u wow pynmih ya ka hukum ha ka 17 tarik u March 2026 wow pynlait nei hap su ya ki kari ML04 kiwa man yong ki 8 tylli ki chnong wa kynthup ya ka Ialong, Pasyih, Phramer, Sabahmuswang, Muthlong, Mookaswan, Nangbah wa ka Mihmyntdu wei ini i lai khang ka seiñ man ko pyrchah ya ka aiñ wei toh u sangeh noh chisiendon.

Ka seiñ da kyntait ko ya kani ka hukum u DC deiwa ong wa daw wanrah ko yei pynyaphær para wa chong chnong wei man ko kawa arsap neibhah da pynlait ya ki kattu katni donhi ki chnong wei ka seiñ hi dawa ko wow pynlait ya waroh ki kari ML04 wa ML11 ha kylleiñ ka Jaiñtia.

Neiliang ka seiñ da ong ko leh wa daw lai yachem ko wa u wa u DC yow dawa pyndam næ pynkylla noh ya kani ka hukum wa da pynmih wei lada ym pyndam daw pynjoor ko yei yakhih deiwa khut paidbah ya waroh kiwa chong chnong ka West wa East Jaiñtia Hills kiwa lai lyngba kani ka Toll Plaza.

Related posts

Da leh ka WHO yeiwa emkaam wei ym em maa wa ye u Hantavirus u poor

May 8, 2026

Chah ngiat u heh ka Congress charood heipor wa thmu wow kdung ya ka MLA

May 8, 2026

I daw wa da dawa wow pynlait yeini i chah khrong poisa toh wa u sarok nachwa wa em kani ka Toll Plaza man u kamjooh hi katni wa da em kani ka Toll Plaza leh heiwa ym em yoo ya iwon iwon iwa kylla wei i rukom chna ya u sarok wa i rukom khrong ki ym yahaap tang kajiak wei ktah ko chiboon ya kiwa hap u su Rs.30-40 chisien lai manda hap ki wow lai boonsien ha ka chi sngi.