Lut batri ka Mobile ka bru chwa u Selfie wa u Rohit Sharma, pait yi jia won hadien

U khloor yalehke Cricket ka India wa ka Mumbai Indians (MI), u Rohit Sharma da pynman u ya kiwa boon ha ka IPL 2026 wow yaroh ya oo hadien wa yachem u wa ka bru wa ka’it bha ya oo wei i Video na ini i yachem da poor bha i ha Social Media.

U Rohit uwa man leh u Captain warim ka MI da tip ya oo wa man u uwa jemnood wei uwa maya bha ki bru wa ka’it Cricket.

Ini i yachem u Rohit toh heipor wa lai u cha ka Bus ka Mumbai Indians heiwa da phet kawi ka bru wow chondur Selfie wa oo tangwa mar ya mut ko u chondur pleh wot ka Mobile ko neidaw wa lut batri.

Related posts

Mih leh i pyrtuid ka Nongtalang, Nangbah wa ka Cham Cham ha ka Kayakalp Awards neibynta ki thaw sumaar

September 14, 2026

Yoh ka JNC ar tylli ki jubab kiwa phær yei jooh iwa kylli heiyatoh wa Shree Cement    

September 14, 2026

Hadien ini u Rohit da sdang lai biang u cha ka Bus, tangwa da sangeh u dei soohrkhai neibhah wa kani ka bru da paan ko da ka Mobile kiwi.

Heitæ i por ki bru wa em narood da rkhai ki neibhah kani ka bru da ong ko wa da lut batri ka Mobile ko heiwa u Rohit da kylli u na ka “Iyi won u leh O kattu?’ (Toh abhi kya karu mai fir?).