Nadooh i kynmoo warom ya kiwa yap heipor Election, i tba u Modi yei kjat uwa 98 snem ha ka baam smai u CM wa thymme ka West Bengal

U heh ka BJP Legislative Party, u Suvendu Adhikari ynne da baam smai u kam u Chief Minister wa nyngkong ka BJP ha West Bengal.

Ha ini i baam smai da wan sakhi da u Prime Minister Narendra Modi, ki Montri ka sorkar pyrdi kam u Amit Shah, u Rajnath Singh, u JP Nadda, u Dharmendra Pradhan, u Chief Minister ka Tripura u Manik Saha, u Chief Minister ka Assam u Himanta Biswa Sarma, ka Chief Minister ka Delhi ka Rekha Gupta wa kiwi.

Ki heh ka BJP da e khublei wei da kitbok ki ya u Adhikari hadien wa chah jied u kam u khlieh ka BJP Legislature Party ha West Bengal wa kam u Chief Minister ka jylla. 

Ha kani ka sngi neiliang u Modi da pynkup burom u ya u Makhanlal Sarkar deiwa tba leh yei kjat u wei uni u bru uwa 98 snem i rta toh uwa tymmen dooh u dkhot ka BJP ha West Bengal wei uwi na kiwa nyngkong dooh wow psiah cha ka BJP ha kani ka jylla.

Related posts

Daw lai hiar ka Commission of Inquiry cha Thangskoo

May 9, 2026

Ngooh u Modi ya ki paidbah ka West Bengal

May 9, 2026

U Makhanlal toh uwa da chah kem ha Kashmir ha u snem 1952 deilang wa u Syama Prasad Mukherjee deiwa dawa ki yei hok yow pynhær ya ka lama ka ri India.

Ha kani ka sngi da booh leh ya u kynja mot wa em ki pyrtuid ki dkhot ka BJP kiwa da yap heipor wa pynman Election ha West Bengal.