Ka Commission of Inquiry kawa da thung yow takit yeiwa jia wa pdung ha Thangskoo, East Jaiñtia Hills District, da pyntip wa hei yahkhmat u Justice R.S. Chauhan (Retd) dadep ko wow chong yachem le sngi nadooh ka 6 tarik hadooh ka 8 tarik u May 2026 ha State Guest House ha Shillong.
Ha ka 6 tarik da chim yeiwa khana u Principal Chief Conservator of Forest (PCCF) wa u Head of Forest (HoFF), Shillong neitæ ka Central Mine Planning and Design Institute Ltd. (CMPDIL), Ranchi, ka Ministry of Coal, New Delhi wa u Director ka Directorate of Mineral Resources (DMR), Shillong.
Ha ka 7 tarik won da ap da sñiaw yeiwa khana ka Shallang Area Trader Association, West Khasi Hills wa ka South West Khasi Hills Mine Owners and Exporter Association.
Ha ka 8 tarik da wan ki bru ka North Eastern Space Application Centre (NESAC), ka Indian Bureau of Mines (IBM) wa kiwa emyatoh kiwa khlaad ha ini wa jia.
Ka Commission daw chong yachem bru biang ko nadooh ka 13 hadooh ka 15 tarik u July 2026 wei ha ka 13 tarik u July daw lai ko leh cha Thangskoo yow lait pait yei thaw wa jia.
Da pyntip leh wa kitu kiwa kwah wow wan mih hakhmat ka Commission lane wow e dei thoh ye ki wow e ha u Secretary, Commission of Inquiry, Room 228, Main Building, Meghalaya Secretariat, Shillong wei ye leh wow email [email protected].
Discussion about this post