Ha iwi i jia wa sñiawsih, uwi u manpa da dooh u yei mynisen katwa ka khon u da mynsoo joor ko hadien wa chah yooh ki ha kawi ka Roller iwa da jia ha uwi u sarok wa dang pynchna.
Ini toh iwa da jia ha ka chnong Bathinda, Punjab ha ka dong Ganesh Basti, Street No. 9, heiwa u manpa wa tip kam u Vishal Gupta da lai luti u da kawi ka Scooter deilang ka khon u kawa dang 9 snem kawa tip kam ka Mannat kiwa chong chnong ka Afeem Wali Gali.
Ha ini i por wa jia da yoo ya kawi ka Roller kawa dang lai dei dien ha uni u sarok wa dang siang psiang wei ka Scooty da wan ko na rood tangwa manda poi rap hadien ka Roller da tlær ko iwa ye u man na i daw wa leh ki mooria heiwa u pa wa ka khon da haap ki ha tre ka Roller kawa da yooh ki.
U manpa da chah yooh u neibynta i khlieh heiwa da khlaad u pyn ha ini i thaw wa jia katwa ka khon u da mynsoo joor ko.
Ki paidbah wa em chajan da wan ki wow yarap yow kit ya ka khynnah da ka Ambulance cha ka Hospital wa em chajan wei hadien won da kit cha Civil Hospital tangwa neidaw wa joor mynsoo ko da kit won sa cha ka Hospital ki bru samen yow yoh yei sumaar iwa miat wa bha.
Ya u manpa da phah yei metyap u yow leh Post-Mortem.
Ini toh iwa da jia ha ka 8 tarik uni u bnai heipor kamwa 11:24 i sngi.
Yeini wa jia ye phi u pait heini: https://twitter.com/HateDetectors/status/2053072898315940240?s=20
Discussion about this post