U Montri Rangbah ka Meghalaya, u Conrad Sangma ynnin ka sngi da wai u ya ka SaiLum kawa man ka karkhana chna kse ryndia (Eri) ha Bhoirymbong, Ri-Bhoi District, kam chibynta wow pynkhlan yei yoh i laa kiwa khih nei thaaiñ kse ryndia kamjooh kiwa ri khñiang ryndia.
Hawa khut ya ka Ri-Bhoi kam u klongsnaam wa pynmih kse ryndia ha Meghalaya, u Conrad da ong u wa ka District da embynta ko wow pynkhroo wow man ka Meghalaya kam kawa pynmih ya ki sop ryndia kawa wan wa ar ha pyrthai.
Da ong u wa i sdang ya ka SaiLum daw yarap ko wow pynkhlan yei rukom kreh wow pynmih ya u kse ryndia kamjooh kiwa ri ya uni u khñiang neibhah wa u kse wa mih toh uwa miat wei uwa em dor.
Ha kani ka yalang, u Conrad da e kti u leh ya ka song poisa wa Rs. 35 lak hapoh ka PRIME Meghalaya Scheme wow kyrchaan ya ini i kreh.
Ka sorkar da angnood ko leh wow kyntu kynrong yei khih wow pynmih ya u kse ryndia kam chibynta wow pynku ya i yoh i laa ki bru wa im nei pynlai ya ki karkhana thaaiñ that ha Meghalaya.
Discussion about this post