U Deputy Chief Minister, u Sniawbahalang Dhar ynne da ong u wa u Chief Minister ka jylla, u Conrad Sangma daw leh u chisiendon yow lai rah yeini i kaam yow yaklam wa ka Assam yow pynbait ya u pood khamtam kattæ wa dang dep yoh ki ya ka sorkar wa thymme.
Ini i ong u Sniawbhalang toh hadien wa lai toor kiwa chong chnong ka Lapangap cha Secretariat ynne yow lai pynsñiaw yei eh i khoo yong ki khamtam ha ki kaam rep heiwa da chah pyndik biang ki ha ki Karbi ha kini ki sngi.
Da ong u leh wa u Deputy Commissioner ka West Jaiñtia daw lai yaklam u wa u DC ka Karbi wei ka sorkar daw pynkhlan ko leh yeiwa em ki bor pulit hapoh ka chnong.
Kam wow kdaw heini i yaklam wow pynbait ya u pood da ki Regional Committee yong ki ar jylla neibynta ki 6 tylli ki thaw kiwa dang sah, da man ko kawa da sahteiñ heiwa ym em de yachem yaklam ki da ar snem kattu.
Discussion about this post