Ki pulit ka East Jaiñtia Hills heipor kamwa 2:30 i step synyaaw ka 13 tarik uni u bnai, da yoh ki wow kem ya chiboon bha ki tiar tympdung kiwa da kit hapoh kawi ka kari.
Ya kani ka kari Hyundai Eon kawa Number AS-10A-5916 da pynsangeh da ki pulit ka Umkiang PPP wei kani ka kari toh kawa lai cheiliang Silchar wei da yoh wow ksoh ka ha 2 Kilo, Umkiang.
Napoh kani ka kari da chem 30,000 tylli ki Detonator kiwa da murieh hapoh ar tylli ki synduk kot wa ha kawi ka muna wei da kit ya kini ki mar pyrchah ya ka aiñ.
Ki ar ngut wa em hapoh kani ka kari da kem ki kiwa tip kam u Kamrul Ali Lasker uwa na Jamalpur, Cachar, Assam wa u Ibrahim Uddin Laskar uwa na Loknathpur, Cachar, Assam.
Da pynngat ya kini hapoh ki kyndon ka BNS wa ka Explosive Substances Act.
Discussion about this post