Uwa chong chnong ka Moolang, East Jaiñtia Hills District uwa tip kam u Regeenal Shylla, ynne da riam u da ki sula wa jæd wei klem sap juti kam ka dak wow pynyoo wa khlem u mooyong ym im ja de.
U Regeenal dapoi u ha Shillong ynne yow pynman ya kani ka yakhih samen deiwa rah ya ka kot wa thoh “No Coal, No Food, No Lives” yow dawa na ka sorkar wow chah biang u tih mooyong hapoh ka jylla.
Da pyntip u wa ym em yoh bor u wow pynman yakhih deiwa chah thngan ha madan Malki na ki bor pynlai District ka East Khasi Hills, kamtæ da mih u wow yakhih samen hajrong ini i dawa wow chah biang u tih mooyong.
U Regeenal da lai booh u leh ka dorkhat ha u Montri Rangbah ka jylla ha Secretariat wei da lai kjat u samen deilang i kbai beiñ sorkar deiwa sdang nadooh na i bynta ka State Central Library cha Malki.
Ha ka dorkhat da thoh wym em pyrchah ya ka Scientific Mining næ wow yada ya ka ramaw wei ka sorkar toh u wanrah ko da ka Traditional Scientific Mining Policy kawa yahaap katkam wa mantre yei thaw i bhaw.
Discussion about this post