Kawi na kiwa rep kawa man leh kawa chong chnong ka Lapangap da yaklam ko wa kiwa thoh khubor hadien wym yoh ki u lai rep ynne ka sngi wot hadien wa da pynbiang ka sorkar ya ki pulit wa boon tangwa deiwa mih ki Karbi wa pyrchah, da pynkuslai ya ki bor District ki ar liang ya mih i mynsoo mynsnaam.
Da ong ko wa kini ki bri ki pynthor ymtoh kiwa dang chi snem ar snem næ kiwa thied ki tangwa kiwa hiar pateiñ nadooh ki beimen beili kiwa dapoi katni ha kti ki.
“Nachwa nachwa kini ki Tahpat toh kiwa kiwa kreh mylla ha ki beimen ki pamen yong i, tangwa katni da kamtre ki ya kini ki hali ki pynthor ki yong i,” da ong kani kawa rep.
Da kyrpaad ko ya sorkar Meghalaya hadooh u Montri Rangbah, u Conrad Sangma uwa em hei bor wow sñiawbha u yaklam ymtoh wow chah u pynbiej ki Karbi hawa ki kot ki sla ki thaw ki bhaw em ki cha Meghalaya heiwa ki Karbi da booh ma booh por, booh ma booh tarik, booh ma booh bnai hadooh wa ong ki yang hadooh wa dep u thap Vote ini wadep.
Da ong ko leh wa ki Karbi da em bait ki dang step kiwa yang, wei da Phone ki leh cha kiwa yow ya mih paidbah. Wei manda lai hiar bait ki cha thaw rep da chah siat watur ki.
Discussion about this post