Ka Election Commission of India (ECI) da pynbna ko wa ka Meghalaya u em ko hapoh ka Phase-III ka Special Intensive Revision (SIR) mano i pait thymme yong ki Electoral Rolls.
Ya ka SIR Phase-III da pynkhreh deiwa sariem ya ka House Listing ka Census kawa daw sdang noh.
Katkam wa da pynbna da ka ECI, ha Meghalaya daw sdang yei pynkhreh wei e sikai (Training) nadooh June 20 hadooh June 29, 2026, heiwa ki Booth Level Officers (BLOs) daw hiar ki cha kawi pa kawi ka yung nadooh ka June 30 hadooh July 29, 2026.
Ka Draft Electoral Roll ka Meghalaya daw pynmih ka ha ka August 5 tarik, 2026, wei hadien ini ye wow booh ya ki ujor wa i pynche hadooh September 4 tarik heiwa ya ka Final Electoral Roll daw pynmih ha 7 tarik u October, 2026.
Yeini waroh daw pteiñ hadooh ka 1 tarik u October, 2026 wei ka Qualifying Date ka Meghalaya man ko i jooh kam ya kiwi ki jylla wa em hapoh ka Phase-III katæ ka 01-01-2026.
Katkam ka yukheiñ wa da pynmih da ka Commission, ka Meghalaya kattæ em ko 23,43,252 ngut kiwa thap Vote wei yow leh ya ka SIR, daw pynemkaam 3,551 ngut ki Booth Level Officers ha kylleiñ ka jylla.
Ha waroh kawi ka ri hapoh ka Phase-III, daw pynman ya ka SIR ha 16 tylli ki jylla wa 3 tylli ki Union Territory wei kiwa thap Vote ha kini da em ki palat 36.73 klur. Palat 3.94 lak ngut ki BLO wa 3.42 lak ngut ki Booth Level Agent kiwa daw chimbynta.
Discussion about this post