Uwa chong chnong ka Moolamylliang, u Simpson Dkhar, uwa man leh kam u muktiar, da ujor u ha u DC ka East Jaiñtia Hills heiyatoh wa u sarok Lad Sutnga hadooh Sutnga, heiwa da ong u wa uni u sarok toh uwa da wanrah yei pynthut bha yei lai i wan neidaw wa joor sih u heiwa da em ki thaw wa em ki thlu wa heh bha hadooh wym lait de u lai.
Em ki thaw wa hoi u lai du chiliang donhi neidaw wa chiliang toh iwa da sih da pra da ngam iwa da wanrah leh yei sahkut kari deiwa slem bha iwa da ktah lut ya waroh nadooh kiwa lai kreh wa kiwa lai skur hadooh ki Ambulance.
Ha kini ki por slap ym tip hadooh katwon yillu kini ki thlu kiwa da dap um wei uni u sarok toh uwa da pynemkaam da ki spah ngut man-ka-sngi iwa da man iwa emkaam bha wow pynchna noh oo.
Kamtæ da kyntu ya u DC wow phah ya ka PWD wow pynchna noh ya uni u sarok neibynta i bha i miat yong waroh deilang.
Discussion about this post