I takit ya ka Paper Leak ka NEET-UG 2026 da yah ko chei yoh kem ka CBI sa kawi kawa da suba wa man ko kawi na kiwa da sooh buit wow leh yeini wei man ko leh kawa sikai Botany ha Pune wei i pyrtuid ko toh ka Manisha Gurunath Mandhare, heiwa kani toh kawa pynlait tooh ya ka Biology Paper.
Ya ka Mandhare da kem ka na Delhi hadien wa pynman takit ka CBI.
Katkam wa chem ka takit, kani ka bru toh kawa yoh u pait u yoo ya ki Botany wa Zoology Question Papers wei da kreh ko kam ka Expert wa ka National Testing Agency (NTA).
Ka Professor Manisha Mandhare toh kawa kreh ha Modern College of Arts, Science and Commerce, Pune wei ka da man ko kam kawa leh ya ka Question Paper Setting ya ka NEET la san snem haroh.
Ka Mandhare toh kawa pynkhreh ya ka Botany wa Zoology Section ka NEET-UG 2026 Examination.
Nei man i rukom kreh ko hapoh NTA, da yoh ko wow yoo ya ki Biology Question chwa wow pynman ya ka Exam ha ka 3 tarik uni u bnai.
Yei pyrtuid ka Mandhare da khana da ka Manisha Wagmare kawa dang dep cha kem wot ha ka CBI wei da phla ko wa da pynman ya ki Special Coaching ha yung ka Mandhare ha Pune wei heipor wa chim ya kini ki Coaching Class da khana ko ya ki Botany wa Zoology Question heiwa da thoh kiwa yaleh Exam ha ki Notebook ki. Wei kini kiwa da khana ko boon da mih ki thij ha ka Biology Paper ka NEET-UG 2026.
Ini i rukom pynlait ya ki Questions man ko kamwa leh u PV Kulkarni uwa da chah kem ynnin ka sngi.
Hadooh wa man kattæ da kem la 9 ngut ki bru heiyatoh wa ini i kaam na Delhi, Jaipur, Gurugram, Nashik, Pune wa Ahilyanagar.
Discussion about this post