Hadien ka ujor na u Dawanmon Pachiang, u Jimmy Pdang wa u Fredrick Muliar kiwa man ki muktiar na Khliehriat pyrchah ya ki Petrol Pump wa em ha East Jaiñtia Hills.
Neiliang ka yung krehkaam u Legal Metrology Officer, Khliehriat, ynne ka sngi da pynman u ya ka Surprise Checking ya ki Petrol Pump deiwa sdang na Moolamylliang Petrol Pump, Umpleng Petrol Pump wa ka Sutnga Pump ha Mookympad.
Da ya emlang leh wa u Superintendent of Supply na ka DC Office, East Jaiñtia Hills deilang kiwa ujor, u Dawanmon Pachiang wa u Jimmy Pdang.
Ha kani ka lai pait lai sylli da chem wym biang ki kor e phniang ha Moolamylliang Pump wa Umpleng Pump wei da khang (Seal) noh ya kini ki kor da ka yung krehkaam u Legal Metrology Officer deiwa leh katkam ka aiñ.
Da pyntip wa ini i lai leh Surprise Checking daw pteiñ neini chakhmat heiwa da ong wa ki paidbah em ki i hok wow phah Check ya ki Pump, hadooh wow Test yei bha namo i Quality i phniang kamjooh wow pait lada e katkam wa toh u e, wei lada ki Pump kyntait ki, ye wow ujor cha ka yung krehkaam u Legal Metrology næ wow Phone cha ki Sales Manager ka Pump heiwa yei Phone Number toh u booh ha waroh ki Pump.
Puræ leh: Chah ujor ki Petrol Pump wa em ha East Jaiñtia Hills
Discussion about this post