MSL 5: Jop ka Shkenshynriah wei rem ka Langsning | Yoh Hat-Trick u Iaishah Bareh

Ka Nangkiew Irat SC da jop ko da 3-1 ya ka Langsning FC ynne ha ka yalehke ka 5th Meghalaya State League kawa da pynman ha SSA Stadium heipor janmiet.

Ya ka Nangkiew da thap da u Wallamsuk Nongkhlaw (25’P) tangwa ka Langsning da su kylliang ko lyngba u Kyrmenskhem Mukhim (42′) chwa u kut ka kylla step. U Wallamsuk da pyntam biang u ya ka Nangkiew ha ka minit wa 50 wei da pyntikna yei jop da ka kool u Justerwell Tham (81′). 

Ini da man ko i rem wa nyngkong ka Langsning hadien wa jop la 10 sien khlem rem ha kani ka samoi ka MSL wei hawa yachem chwa ki wa ka Nangkiew Irat da jop ki ka da 6-1 ar sngi nachwa. 

Ha ka yalehke wa pynman chwa, ka Rymbai Shkenshynriah SC da jop ko da 6-2 ya ka Maram FC. U Iaishah Bareh (3′, 52′, 75′) da yoh u ya ka Hat-Trick kawa man leh kawa ar donhi yong kani ka Quarter Final, kiwi de kiwa thap toh u Hesmiki Rymbai (19′, 90’+5) wa u Niponghi Sumer (20′). Ya ka Maram da thap da u Seiborlang Tado (53′) wa u Santosh Teron (77′). 

Related posts

MSL 5: Jop ka Shkenshynriah ya ka Maram

May 19, 2026

Psiah Quarter ka Meghalaya ha ka U-20 Men’s National Football C’ship 2026

May 17, 2026

Ka Langsning wa ka Shkenshynriah kattu da yoh ki mar 9 Point tangwa ka Langsning da tam ko deiwa kheiñ da ka Head-to-Head. Ka Nangkiew Irat da em ko hei wa le deiwa yoh 6 Point katwa hei wa soo da em ka Maram kawa ym pu em yoh chi Point leh.

Ki yalehke mynstep daw pynman da ka Group A heiwa ka Nongkseh SSCC daw yachem ko wa ka Rangdajied United FC heipor 2:00 waje i sngi wei daw pynbood da ka Shillong Lajong FC wa ka Mawlai SC hepor 6:00 waje i janmiet.