Nyngkong mut wa pynkut kawi yei mynsien neidaw ka NEET | Hadien chem wa em kiwi ki daw

Ka kynthai kawa dang 18 snem i rta kawa dang dep chong yaleh ya ka NEET Exam ini wa dep, da pynkut ko yei mynsien ko ha yung wa sah ko ha Kalaburagi District ka Karnataka.

Kani ka kynthai toh kawa tip kam ka Bhagyashree R Patil, wei da khana ko ha yung ko wa yoh ko 92% ha ka Class-12 (PUC) wei da chong yaleh ko ya ka NEET-UG Exam wa da pynman ha ka 3 tarik uni u bnai.

Katkam wa pyntip ki pulit, ka Bhagyashree da sdien pasi ko deiwa kdoh tylle ha ka Ceiling Fan wa em ha thaw sah ko. Ki pulit da ong ki leh wym em chem ki ya kawon kawon ka chithi wa thoh ko kawa da khana yei daw wa leh ko yeini.

Neiliang u pa ko da ong u wa ymtip ki wa lada sñiawsih ko neiwa jia i chah pyndam ka NEET, boi ye u man da sñiaw chitom ko wow thoh biang ya kani ka Exam.

Hadien won da chem wa ka Bhagyashree thok ko wa yoh ko 92% ha ka Class-12 heiwa da Fail ko ha ka Mathematics wa ka Physics wei da yaleh biang ko ya kini ki ar tylli ki heiwa da Pass ko ya ka Physics deiwa yoh 51 Marks tangwa da Fail won ko ha ka Mathematics deiwa yoh 24 Marks iwa mut yoh ko 4 Marks ha ka Theory wa 20 Marks na ka Internal Marks.

Ka Result yong ka Exam kiwa yaleh biang (Re-Exam) neibynta ki Subject wa Fail da pynbna ha ka 21 tarik uni u bnai wei da suba joor wa ini toh i daw wa pynkut ko yei mynsien deiwa hap khana ya ka yung ka sem wa Fail ko ha Mathematics.

Related posts

Wai ka Panaliar ya ka Indoor Sports & Games Complex ka chnong

July 12, 2026

Pynskem ka Synjuk Waheh Chnong Ri Jaintia ya kiwa kitkaam ka Shilliangmyntang Circle

July 12, 2026

Hanla ki Marks wa yoh ha ka Class-12 man ki du wow yoh laad u yaleh ya ka NEET heiwa ka Admission cha ki Medical College da kheiñ da ka NEET Ranking, kamtæ ki pulit dang pynman ki yei takit boi em kiwi de ki daw.  

Neibynta ki General Category emkaaam ki 50% ha Physics, Chemistry wa Biology katwa ki SC, ST wa OBC emkaam ki 40% heiwa ym emkaam ya ka Mathematics.