Ha ka yalang wa pynman da ka DC ka East Khasi Hills, da yaklam yei wan toor kiwa chongdai cha rood u sarok uwa dang chna thymme, u Shillong-Dawki Road, heiwa u Manager (P), NHIDCL, PMU-Mylliem da pynsñiaw u yei sñiawkhia yeini wa da jia.
Da ong u wa ki bynta wa dang man kam i thaw yong u sarok (Right of Way) ha kiwa boon ki thaw nadooh na Rilbong Point, 3 ½ Mile Upper Shillong wa 7th Mile Upper Shillong da em kiwa wan chongdai ha rood sarok wei da em leh kiwa mut wow chna ya ka Parking Lot ha Rilbong Point.
Da ong wa ini man ko iwa maa bha neibynta ki paidbah, kiwa chongdai kamjooh yei lai i wan ki kari.
Ha kani ka yalang wa da emlang ki bru ka Shillong Traffic Police, PWD (Roads), NH Division Shillong wa NHIDCL wei da phah ya ki wow ya krehlang ki yow kyrriah ya kini kiwa chongdai ha rood sarok.
Da phah leh ya ka NHIDCL wow kdaw ko kiwon ki thaw wa dang man kam i bynta u sarok wym hoi u chohngdai, u Superintendent of Police (Traffic) won toh u kær u ya ki thaw wa mut ki bru wow pynyieñ kari kamjooh wow booh pulit ha kini ki thaw.
Ki bru ka NHIDCL, PWD (Roads) NH Division wa ki pulit won wow kyrriah ki ya kiwa chongdai lada dang em hadien wa da pynman yei pynsñiawthooh paidbah.
Discussion about this post