Ka National Career Service Centre for SC/ST (NCSC for SC/ST), Jowai kawa em hapoh ka Ministry of Labour & Employment, Directorate General of Employment ka sorkar India, da pynbna ko wa da pynkrehkaam ya ka Free Stipendiary Coaching and Computer Training Programmes neibynta ki SC/ST kiwa thooh kreh kiwa da em pyrtuid (Registered) ha kawon kawon ka Employment Exchange ka Meghalaya.
Kini ki Course toh kiwa da booh wow sdang nadooh ka 1 tarik u July 2026.
Kini ki e sikai wa dei mynkna (Free Training) toh kiwa em soo tylli kitæ: 1) Special Coaching Scheme for Competitive Examinations, 2) ‘O’ Level Computer Training through NIELIT, 3) ‘O’ Level Computer Hardware Maintenance Training through NIELIT wa ka 4) CCC Course on Computer Concepts.
Kiwa chah jied ha ki le tylli ki Course daw yoh ki leh ya ka Stipend kawa Rs. 1000 chi bnai katwa ka CCC Course on Computer Concepts ym yoh Stipend ki.
Ka Special Coaching Scheme kawa chi snem daw kynthup ya ka Subject kam ka General English, General Awareness, Reasoning, Numerical Ability, Current Affairs, Typing, Stenography wa Basic Computer Knowledge. Kini ki e sikai kiwa yatoh wa ka Computer u man ki neibynta chi snem, lait noh ka CCC Course kawa man du neibynta ar bnai.
Kiwa wan yaleh (Applicants) toh u man ki kiwa da pyndep ya ka 10+2 lane chaneiñ wei toh u wan ki na ki manyung kiwa yoh ym palat ya Rs. 3 lak chi snem.
Ya ki Application deilang ki kot ki sla wa emkaam ye wow pynpoi ha waroh ki sngi wa krehkaam ha lane chwa ka 5 tarik u June 2026 ha National Career Service Centre for SC/ST, District Employment Exchange Office Building kawa em ha Wah Nangbah, Jowai.
Discussion about this post