Ka Shillong Lajong FC ha ka Star Cement Indian Football League (IFL) 2025–26 da yoh Runner-Up u deiwa pynyalehke du da kiwa napoh India donhi.
Ka Shillong Lajong da pynkut ko ya kani ka 2025-26 Indian Football League deiwa jop da 3-0 ya ka Champion ka Diamond Harbour, wei da yoh ko 28 Point na ki 14 tylli ki yalehke deiwa chah pyntam du chi Point donhi na kiwa yoh nyngkong.
Da jop ki phra sien, ya Drawn soo sien wei da rem du ar sien donhi.
U Head Coach, u Birendra Thapa da ong u wa da yalehke wa kiwi ki Club wa pynemkaam da kiwa yalehke kiwa da wanrah na baar ri, tangwa ka Lajong da pynyoo ko yei chaniah ha kiwa yalehke kiwa napoh ka ri wei i rta ki deiwa khieñ yonglang man ko kamwa 23 snem.
Ka Lajong da man ko leh kawa duna dooh na kiwa chah thap kool, kawi na kiwa boon dooh kiwa yoh u thap kool deiwa yoh ya ka Best Goal Difference kawa (+16).
Uwa yalehke Midfilder ka Shillong Lajong FC, u Phrangki Buam da yoh u yei naam Most Valuable Player (MVP), wei da yoh u leh wow thap phra sien wei da man u uwa ar na kiwa boon dooh u thap kool, katwa u Everbrightson Sana Mylliempdah da yoh u wow thap ynñiaw sien.
Discussion about this post