Khuslai ki seiñ Muslim ha Assam yei pynkrehkaam ya ka UCC

Hadien wa wanrah ya ka Uniform Civil Code (UCC) ha Assam State Assembly ha ka 25 tarik uni u bnai, ki seiñ Muslim da kyntu ki ya ka sorkar BJP wow ap yei sñiaw ki chwa wow pynkrehkaam ya ka UCC.

Kamwa 10 tylli ki seiñ da yachem ki ha Guwahati ha ka 23 tarik wow rai u e dorkhat cha ka sorkar chwa wow pynkrehkaam ya kani ka aiñ.

Kini ki seiñ kynthup ki ya ka Amiat Ulema-e-Hind, ka Jamaat-e-Islami, ka Ahle Sunnat, ka Muslim Personal Law Board, ka Nadwatul Tamir, ka Milli Council, ka All Assam Minority Students’ Union wa kiwi.

Ka thong ka UCC toh wow em kawi ka aiñ wow pait heiyatoh wa i chong kurim, i rap pateiñ, i yalait kurim wa kiwi khlem pait ya ka niam.

Related posts

Chah tyrrah chynnam ka kynthai wa yah Sports Bike

September 14, 2026

Pynbna ka MBOSE ya ka Routine ka SSLC Exam 2026-27

September 14, 2026

I pynkrehkaam ya ka UCC toh kawi na ki kular ka BJP hadien wa jop ko ha ka Election wa dang dep heiwa u Chief Minister Himanta Biswa Sarma da kular u wow pynkrehkaam ya ka.

Neiliang u Nadwatul Tamir, u Secretary ka Maulana Farid Uddin Choudhury, da ong u wa ka sorkar ymtoh u kyntait ko wow ap ya ki khian paaid chwa wow pynkrehkaam ya kani ka aiñ.