Ka Committee on Government Assurances yong ka Meghalaya Legislative Assembly, ynne ka sngi da lai pait ko ya ki le tylli ki kreh wa da pynkreh da ka sorkar jylla, kitæ ka Indoor Stadium ha Umsawli, ka Mawkhanu Football Stadium wa em ha East Khasi Hills District wa ka Water Sports Facilities ha Umtham, Ri-Bhoi District.
Ya kani ka Committee da yahkhmat da u Chairman, u Renikton Lyngdoh Tongkhar, MLA deiwa emlang ki dkhot, ka Dr. M. Ampareen Lyngdoh, MLA – East Shillong, u Dr. Celestine Lyngdoh, MLA – Umsning wa u Ollan Singh Suin, MLA – Mawsynram.
Da ya emlang leh nadooh u Sanjay D Shira, Mawryngkneng Block Development Officer, u Manhiam Marbaniang, Chief Engineer (Sports) wa kiwa mihkhmat na ki Contractor kiwa chna ya ka Football Stadium.
Neiliang u Renikton da on u wa sñiawsarong wa ka Stadium wa heh dooh hapoh ka India da chna ka hapoh ka jylla deiwa e khublei u ya ka Montri Rangbah, u Conrad Sangma wa da wanrah u ya kani ka kaam.
Kam u Committee Chairman da pynsñiaw u yei kmen wow yoo yei lai bait i kreh wei da yooluti u wa daw pyndep ki heipor wa biang.
Kani ka Stadium wa hoi u chong 40,000 ngut kiwa chong ke, da booh por wow pyndep ka kat hadooh chwa u kut u snem 2028 wei da pynkreh ka da ka KPC Projects Limited.
Ki dkhot ka Committee da lai ki leh cha ka Water Sports Centre ha Umtham wa ka Tennis Court ha Umsawli. Heiwa neiliang u Chairman da pynsñiaw u yei kmen wow yoo yei lai i kreh ha New Shillong.
“Da pylla oo deilang ki dkhot ka Committee wow yoo hadooh katwon ki kaam pynroi kiwa dapoi cha New Shillong,” da ong u Renikton.
Da yooluti u wa waroh kini ki kreh hapoh New Shillong u pyndep ki heipor wa biang yow yoh myntoi kiwa chong chnong.
Kani ka Mawkhanu Football Stadium leh toh kawa dang haap hapoh ka New Shillong wei u chna ka hei lut wa Rs. 732 klur.
Ka Umtham won da man ko kam ka thaw wow leh ya ki Whitewater Adventure deiwa leh ya ka Canoeing, Kayaking wa Rafting. Wei ka sorkar u chna ko deiwa pynlut Rs. 21 klur ha i thaw wa heh 14 Acre yow chna ya ka Canoe Slalom Course kawa man leh kam ka National Training Facility ka wow pynku leh ya ki kaam Adventure Tourism.
Discussion about this post