Em kti u Syiem wow tympra ya i yung uwa paan RTI

by Wyrta Staff

March 5, 2017

Reading Time: 2 mins read

Shillong: U Curtis Rani hadien wa chah tympra i yung yong oo wa dang chna ha ki damok da ujor u cha ki pulit wa emkti u Syiem ka Hima Nongspung wa u Joint Secretary yong oo u Philemon Kharmyndai wow leh yeini i kaam.

Da ong u wa da phah ki ha ki bru wow tympra ya i yung yong oo hadien wa booh RTI u hei yatoh wa i khrong poisa u Syiem ha ka ‘Toll Gate’ wa em ha Sohiong.

Ya ka RTI wa da booh da u Curtis ha u Syiem ka Nongspung, neiliang u Syiem ym e jubab u yaka wei da khut leh ya u Syiem yow wan u cha ka KHADC da u 1^st Appellate Authority hei yatoh wei wym jubab u ya ka RTI.

Wei ya ini i chah phah hajir ya u Syiem yow pynche u yei daw wym jubab u ka, ka RTI wa toh u pynman ha ka 10 tarik leh da pyndam ya ka.