15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Pynkrehkaam u DMC Mawkyrwat da ka Personal Account wow su tulop

0 Comments
Advertisement ad1

Shillong : Kam chibynta wow bood ya ki kyndon krehkaam yong ka Sarva Shiksha Abhiyan (SSA) wa ka hukum wa da pynmih da u State Project Director (SPD) SSA-SEMAM u Ambrose Ch. Marak ha ka 16 Kmaichonglad, 2016, u W. Biam District Mission Coordinator (DMC) SSA-SEMAM Mawkyrwat da pynmih u ya ka hukum wow pynkrehkaam pura ya ka Personal Account wow phah ya ka tulop ki wa sikai SSA hapoh u pood u ang  ka South West Khasi Hills District.

U Lastborn H. Pariong President ka Meghalaya SSA School Association (MSSASA) South West Khasi Hills Unit, ha ka khubor wada khana u wa u DMC ka Mawkyrwat ha ka chithi wa da phah cha ka seiñ ha ka 15 tarik u Thohlakhmi uni u snem hadien i yachem wa ki dkhot ka MSSASA ha ka 23 tarik u Duyatra uni u snem, da pyntip wa ka yung krehkaam yong u DMC SSA-SEMAM South West Khasi Hills, Mawkyrwat da pynmih u ya ka hukum wow phah ya waroh ki managing committee yong ki skur SSA hapoh South West Khasi Hills District kiwa kynthup ya ka Ranikor wa ka Mawkyrwat Block wow sangeh noh ya ka rukom su tulop kamwa jooh leh waroh chi kattu, itæ iwa su da ka poisa (cash payment).

Kattu nawon ya ka tulop u su bait deiwa phah ha ka Personal Bank Account yong ki da ka E- transfers mar ya yoh ya ka poisa na ka yungkrehkaam ka DMC næ BMC. U DMC Mawkyrwat da phah chithi u leh cha waroh ki Branch Manager yong ki bank kiwa em hapoh ka District wow leh yeiwa emkaam hei yatoh weini.

Ka seiñ da pynkynmoo ko wa nadooh u snem 2013 ka Meghalaya SSA School Association (MSSASA) Seiñbei da dawa ko na u State Project Director (SPD) wow pynkrehkaam pura ya ki kyndon wow su ya ka tulop kiwa sikai skur kiwa em hapoh ka SSA deiwa phah bait ha ki account yong ki.

Advertisement ad1

0 Comments

Leave a Reply