Ka National People’s Party (NPP) da yoh bor chooh chooh ko ha Umroi Constituency ynne heiwa ka kyrtong MDC ka UDP, ka Naphishisha Marwein na Umroi kawa dadep psiah cha ka NPP, da yah ko deilang ki spah ngut kiwa kyrchaan wa kiwa ksohkaam ka UDP wow psiah ki cha ka NPP.
Ha ka yalang wa da pynman ha Dwar Ksuid, Umroi Nongrah, ka Naphishisha Marwein wa u UDP Umroi President, u Vincent Nianglang da yahkhmat ki ya kiwa boon ki dkhot ka UDP yow psiah cha ka NPP.
Ya kini kiwa psiah cha ka NPP da pdiang ya ki da u NPP Umroi Block President, u Damanbait Lamare, u Chief Adviser, u Ngaitlang Dhar, u Secretary, u R.R. Kharbuhki wa u General Secretary ka NPYF Meghalaya State Unit, u Pynhun Rynghang deiwa emlang kiwa yahkhmat ka Party.
Ka Naphishisha Marwein toh kawa da yaleh ya ka MDC Election 2025 na Umroi Constituency na ka UDP, wei dadep ko wow psiah cha ka NPP ha u February 27, 2026. Wei hawa e yei klam da ong ko wa hanla rem ko leh, da pteiñ ko wow kreh neibynta i bha i miat ka Constituency.
Da ong ko wa iwa angnood ko toh wow wanrah ya ka roi ka paar ha ka Umroi Constituency wei yow ye u wanrah yeini da psiah noh ko cha ka NPP deilang kiwa kyrchaan ko.
Da khana ko leh wa kiwa boon kiwa ksoh kaam ka UDP na Umroi da psiah ki cha ka NPP wei da sah sa du u Secretary ka UDP Umroi Unit.
Pur0 leh: Kynthih ka Naphishisha Marweiñ na UDP cha ka NPP
Discussion about this post