Ynne da yoh wow wai ya ka Integrated Multipurpose Indoor Hall wa em ha J.N. Sports Complex, Shillong iwa da leh da u Dr. Mansukh Mandaviya, Union Minister of Youth Affairs & Sports ka sorkar India deiwa emlang u Conrad K. Sangma, Chief Minister ka Meghalaya chirup ka Raksha Nikhil Khadse, Minister of State, Youth Affairs & Sports ka sorkar India, u Wailadmiki Shylla, Minister ka Department of Sports & Youth Affairs ka sorkar Meghalaya, ka Dr. P.T. Usha, President ka Indian Olympic Association (IOA) wa kiwi de.
Ya kani ka Integrated Multipurpose Indoor Hall kawa da chna katkam ka juk katni, deiwa pynlut ₹132.9 klur wei da man ko kawi na kiwa miat dooh ki Indoor Sports Hall hapoh ka ri kawa da chimpor ar snem chiteiñ yow pyndep u chna ka deiwa yarap poisa ka New Development Bank (NDB) kam chibynta ka Externally Aided Project yong ka Meghalaya Ecotourism Infrastructure Development Project (MEIDP).
Hapoh kani ka Indoor Hall da em ka Basketball Court, ka thaw yalehke Kabaddi kiwa daw pynemkaam ha ka 39th National Games 2027. Najrong kini daw man ko leh ka thaw wow ye u pynbniah ya kiwa boon ki jait yalehke.
Heiyatoh wa ka National Games da pyntip wa daw pynman ka ha Shillong, Tura wa Jowai deiwa em palat 10,000 ngut kiwa yalehke kiwa da yooluti wow wan chimbynta wei daw pynyoh kreh ko ya palat 5,400 ngut ya kiwa chong chnong ka jylla.
Discussion about this post