Ka VPP Youth Wing-West Jaiñtia Hills District ynne hapoh i yahkhmat u President, u Yoowanmi Myria wa u General Secretary, u Hameshaniah Suiam deilang u MDC, u Andrew Shullai da yachem ki ya u DC ka West Jaiñtia Hills heiyatoh wa ki kreh Grade IV hapoh ka District.
Ka seiñ da kdaw ko wa katkam ka Advertisement neibynta ki 92 tylli ki kreh Grade IV da pynmih ha ka 19 tarik u November 2021, heiwa ka Written Examination da pynman ha u September 2025.
Chooh chooh da kdaw wa katkam ka Personnel & Administrative Reforms (B) Department ha ka Office Memorandum wa pynmih ha ka 18 tarik u July 2024 heiwa da klam che wa ya ki Final Result yong ki kreh toh u pynmih hapoh 6 bnai.
Hadien i yachem wa u DC, neiliang u Yoowanmi Myria da ong u wa katkam ka Personnel & Administrative Reforms (B) Department ka Office Memorandum wa pynmih ha ka 17 tarik u November 2014, da ong wa ka Result yong ka Written Examination ymtoh u palat ko ar chah na ki kreh wa lait iwa mut wa na ki 92 tylli ki kreh ymtoh u tam 184 ngut kiwa Pass tangwa ha ka Result da pynmih kamwa 203 ngut kiwa ye wow yaleh Personal Interview.
Hajrong ini i slem wow pynmih ya ka Result neiliang u DC da kular u wa hapoh 19 tarik uni u bnai June u pynmih noh ya ka Result (Personal Interview) DSC.
Heiyatoh won wa i boon kiwa Pass wow yaleh ya ka Personal Interview, da pynche u wa ini ye u man wa neidaw wa tyngkhooh ki Marks kiwa yaleh ya ka Exam.
Discussion about this post