Ka Jaintia Coal Miner and Dealer Association (JCMDA) ynne ka sngi da pynman ko ya ka yalang deilang ki seiñbhlang yow pynkhlan yei yakhih yow dawa sdang biang yei kaam tih mooyong deiwa pynkrehkaam da ka rukom tih mooyong wa tip kam ka Small Underground Scientific Coal Mining.
Neiliang ki seiñbhalang da e ki yei kyrchaan wa pura neibynta ini i kaam neibynta ka yap ka im kiwa chong chnong ka East Jaiñtia Hills District.
Ha kani ka yalang da yaklam leh yeiwa da pyrchang ka sorkar katkam wa da yoo lyngba ki khubor wa da pynmih deiwa kyrmen wa ini toh iwa sakhiat wei ymtoh du wow thok ya ki paidbah chwa ka Election.
Ka Association da chem ko leh wa em ki kattu katni ki seiñ kiwa da suki hi-eh tangwa kattæ da khyrngiat ki hadien wa yoo ki yei kyrchaan ki phaw hajar ngut ha ka yalang wa da pynman ha ka 7 tarik u bnai wa dep.
Kamtæ da kyntu ya kini wow booh ki charood ya ki kaam samen wei wow ya krehlang wa ka Jaintia Coal Miner and Dealer Association da ka jooh ka thong neibynta i bha i miat yong waroh deiwa em i yatylli.
Ki seiñ kiwa da wan wow ya ksohktilang man ki kamni:
- Jaintia Student Movement (JSM).
- Khasi Students’ Union (KSU)
- Meghalaya People United Front (MPUF)
- Jaintia Students’ Union (JSU)
- Jaintia National Council (JNC)
- Hynniewtrep Youth Council (HYC)
- Hynniewtrep National Youth Front (HNYF)
- East Jaintia Hills Coal and Minerals Supplier Association (EJHCSA)
- Synjuk Waheh Shnong, East Jaintia Hills (SWSEJH)
- Truck Owner and Supplier Association (TOSA)
- Federation of Khasi Jaintia Garo People Association (FKJGPA)
- East Jaintia Hills Truck Owners & Transporters Association (EJHTOTA)
- Hima Sutnga Youth Federation (HSYF)
Discussion about this post