Ka Dorbar Chnong Wapungskur, kawa em ha East Jaiñtia Hills District, da yachem ko wa u Symbood Montri Rangbah ka sorkar jylla, u Prestone Tynsong ha ka 3 tarik u uni u bnai.
Ha kani ka yachem, ka dorbar chnong da pynsñiaw ko yei sñiawngooh wa khroo ya u Prestone Tynsong yeiwa smat u wow yarap ya ka chnong wow pynyoh ya ka song poisa yow chna pynbha wa kynthup wow siang moo wei siang psiang ya ki sarok hapoh ka chnong Wapungskur wa jrong 9 Km tam.
Ini i pynkreh ya u sarok chnong daw pynsuk ko yei lai i wan iwa man-ka-sngi yong kiwa chong chnong.
Heini i yachem, neiliang ka dorbar chnong da e khublei ko leh ya ka sorkar hapoh i yahkhmat u Conrad K Sangma kam u Montri Rangbah ka jylla hajrong i chimkhia wow pynbiang yeiwa emkaam yow pynpoi ya ka roi ka paar cha ki thaaiñ palatsor ha ka jylla.
Neiliang u Postling Dkhar kam u waheh chnong da ong u wa i burom wei sñiawngooh toh ya kiwa yarap lada toh ki bru samen næ kiwa yahkhmat ka jylla wow pynku ya ka imlang sahlang kawa man ka kaam kawa emburom wei kawa khroo bha hei manbru.
Discussion about this post