Ka BJP ym pu em chim ko yei rai wa khaddooh heiyatoh wa u kyrtong MP cha ka Shillong Parliamentary Constituency heiwa ka Party da yooluti wow chong yaklam ko ha ka tayaaw wow wan yow jied ya u kyrtong, da pyntip u MLA ka Party, u AL Hek ynne ka sngi.
Hawa yaklam wa kiwa thoh khubor, u Hek da ong u wa sñiawthooh yeiwa da duna i por wei hap wow pyndep smat yeini i kaam jied kyrtong heiwa da em 9 ngut kiwa da paan Ticket tangwa ka Party ym pu em ong ko da uwon.
Heiyatoh wa em kiwa ong wa uwa yahkhmat warim ka Congress, u PN Syiem da paan u ya ka Ticket BJP, u Hek da u wa ymtoh iwa phær næ iwa phylla lada em kiwa kwah wow yaleh da ka Ticket ka Party wei uwon uwon ye u wow paan Ticket lada ye wow pynhun ya iwa emkaam.
U Hek da ong u wa kattæ ki heh ka Party dang bichaar ki ya uwi pa uwi uwa paan Ticket chwa wow chim yei rai wei iwa kongsan toh wow jied ya u kyrtong uwa ye u jop wei uwa bien ki paidbah u pdiang.
Ynne da pynman leh yei thung dieñ deiwa emlang u Union Health Minister, u JP Nadda iwa da pynman ha Golf Club, Shillong kam chibynta ka World Environment Day.
Discussion about this post