Thung dieñ ka Seiñraij Jowai ha u loom kyntang wa yooh kjat ka Bon, ka Teiñ, ka Wet, ka Doh

Ynne ka sngi kawa man leh ka World Environment Day, neiliang ka Land Committee ka Seiñraij Jowai da pynman ko yei thung dieñ ha Ka Biar Ka Blai ha Loom Mookhai, Dulong.

Chwa wow pynman yei thung dieñ da em ka yalang wa tbian wa pynlai da u President ka Seiñraij Jowai, u H. Toi wei kyntien ngoohblai na u Wandaoo Lakiang hei emlang kiwa kitkaam ka Seiñraij wa ki khynnah ka Seiñraij Higher Secondary School.

U Dolloi ka Elaka Jowai, u Puramon Kynjing hawa e yei klam da ong u wa ki khynnah emkaam wow man ki kiwa sneiñ ya kiwi tawon wow man kiwa lehkhooid wei wow dam u noh ya ki Plastic wa kiwi kiwa ktah ya ka mariang.

Da ong u wa uni u loom toh uwa kyntang neibhah wa da yooh kjat nyngkong ka Bon, ka Teiñ, ka Wet wa ka Doh ha uni u loom chwa wow sdang ya ka chnong Jowai kamtæ emkaam u pynyoosuk ya ini i thaw wa em naam.

Related posts

Hadooh Rs.1,100 chi kilo ye u dai ya ka slacha na Assam

June 5, 2026

Na ki 9 ngut u jied ka BJP kam u kyrtong MP

June 5, 2026

Da ong u leh wa i thung dieñ toh iwa man-u-snem wei emkaam u lai pait ya ki tre dieñ dei langær khnang wow ye u sumaar ya ki hadooh wow heh ki.

Chooh chooh da ong u wa ka mariang e ko ya i ka um wa ka la’ær, kamtæ toh i kaamram yong waroh wow pynyirngam ya ka.

Ya ki kyntien khublei da yoh na u V. Paswet uwa man u Secretary ka Land Committee.

Ha kani ka sngi da thung hadooh 250 tylli ki tre dieñ ha ini i thaw.