Ka Guwahati Tea Auction Centre (GTAC) da booh biang ko ya u moomær deiwa dai ya ka slacha wa sy’at dor ya kawa da rep pyn hapoh ka jylla Assam.
Katkam ka Guwahati Tea Auction Buyers Association (GTABA), ka slacha na Deckiajuli Tea Estate da dai ya ka hadooh Rs.1,103 chi kg, katwa kiwi won ki slacha na i jooh i thaw da kynjoh ki Rs. 973 chi kg hawa pynman ya ka lilam (Auction).
Ya kani ka Estate da mantre da ka Parry Agro Industries Ltd. heiwa da pynmih ko ya ki slacha wa miat bha.
Ha iwi tawon i lilam, ka slacha na Sotai Tea Estate da kynjoh ko Rs. 889 chi kg wa man kawa sy’at dooh na kani ka kpær.
U Secretary ka GTABA, u Dinesh Bihani da khana u wa ha i lilam ka Sale No. 23, da dai palat 65,000 kg ka slacha ha i dor wa Rs. 400 chi kg.
Discussion about this post