Ka Nongkseh SSCC hei sien nyngkong wa chimbynta ko ha ka Meghalaya State League da yoh syndon ko yei naam Champion deiwa pynrem ya ka Langsning FC ha ka yakhun Final ka MSL 5 kawa da pynman ha SSA Stadium ynne i miet.
Ka Nongkseh da lehbha ko ynne deiwa wan nadien hadien wa dep u chah thap chwa yow pynrem ya ka Langsning da 2-1.
Kam ka Champion, ka Nongkseh da yoh ko ya ka Trophy deilang ka Cheque wa Rs. 8 lak kawa da e kti da u Chief Minister, u Conrad K Sangma, deiwa emlang u Deputy CM, u Prestone Tynsong, u Sports and Youth Affairs Minister, u Wailadmiki Shylla deilang wa kiwi de. Ka Langsning kam kawa rem Final da yoh ko ya ka song poisa wa Rs. 5 lak wei ka song poisa ha uni u snem man ko leh kawa heh dooh hei parom ka MSL.
Ka Nongkseh da thap bakla ko pyn cha ka hi ha ka minit wa 45’+1 chwa wow kut wot ka kylla step tangwa da wan ki deiwa khlan ha ka kylla miet deiwa thap chwa u Captain, u Hardy Cliff Nongbri (61′) wei da pynbood sa u Shano Tariang (68′).
Kiwa paitke da wan ki da ki hajr ngut heiwa da dap lut ka madan wei ym em de ka Ticket kawa khlem dai.
Discussion about this post