Dadep chong patok 4 bnai mar ya man kam u dkhot ka CEC, ong u President thymme ka KSU

U President wa chimkmti thymme ka Khasi Students’ Union (KSU), u Raymond Kharjana, da ong u wa ki bor kiwa na baar wa ki bor sorkar ym ye ki wow pyntieñ deiwa pyrkhat wa toh ka CEC wa thymme.

Hei klem hei sien nyngkong kam u President da khana u wa i lai luti ryngkat i eh nadooh wa psiah u ha ka seiñ KSU, wei hadien wa psiah u kam u dkhot ka CEC da hap u chong patok hadooh 4 bnai neidaw ka luti rel.

Da maham joor u leh ya kiwon kiwon ki bor kiwa thmu wow tba ya u Uranium uwa em ha South West Khasi Hills.

Da ong u wa ki phang kiwa ktah ya ka ri wa ka jaitbru ymtoh du yong ki seiñbhalang, wei neiliang ka seiñ da phah ko ya ka dorkhat wei da yaklam wa u Montri Rangbah ka jylla wei kamjooh ya kiwa mihkhmat wow leh ki iyi iyi neibynta ki kaam wa ktah ya ka jaitbru.

Related posts

Ym em sñiawhun uwa chong chnong wa chah u rep ki Karbi ha i thaw ki Lapangap

June 6, 2026

Chah pyndam ka License kawa e u yah kari da ka khynnah

June 6, 2026

Ki phang kiwa ka CEC wa thymme booh ko hakhmat dooh toh ka Inner Line Permit, ya kawa ka seiñ ym kynrandien ko katwa ym pu ye wow pynkrehkaam ya kani ka aiñ hapoh ka jylla, wei ka seiñ da klam che ko wa lada ym ye wow e ya ka aiñ wow yada ya ka jaitbru wa khian paaid, ka seiñ ym bien ko wow yaklam heiyatoh wa ka luti rel.

Ka Khasi Students’ Union da pynskem pura ko ya ka Central Executive Council yong ka ynne neibynta ka samoi krehkaam 2026-29, hapoh i yahkhmat u Raymond Kharjana kam u President wa u Reuben Najiar kam u General Secretary.

Ha kani ka yalang da yoh leh yei klam e mynsien ya ka CEC wa thymme da kiwa yahkhmat warim nadooh u Lambokstarwell Marngar wa u Donald V Thabah wa kiwi kiwa yahkhmat ka seiñ.

Ha kani ka sngi da emlang leh kiwa yahkhmat yong kiwi ki seiñbhalang wa kiwa yahkhmat warim wa kiwa da chah khut sñiawbha.